Во напад на украинско беспилотно летало врз рускиот регион Краснодар е повредено едно лице, а оштетени се најмалку 12 куќи, изјави утринава гувернерот на јужната руска област.
Ukraine has launched a large drone strike against the Russian oil refinery in the Krasnodar Krai region of Russia. pic.twitter.com/0wEro54Smy
— The Global Observer (@GlobalObserverX) February 17, 2025
Во објава на Телеграм, гувернерот Вениамин Кондратиев го нарече нападот „масивен“, но не даде дополнителни детали.
Рускиот информативен канал SHOT Telegram објави дека Украина се обидела да ја нападне рафинеријата за нафта Илски и дека остатоците од дрон предизвикале пожар.
Рафинеријата, која има капацитет од околу 138.000 барели дневно, беше цел на бројни украински напади од 2023 година, кога Киев ги засили нападите со беспилотни летала врз руската енергетска инфраструктура.
Министерството за одбрана соопшти дека руските единици за воздушна одбрана пресретнале и уништиле 90 украински беспилотни летала во текот на ноќта.
Триесет и осум беспилотни летала беа соборени над Азовското Море, 24 над јужниот руски регион Краснодар, а останатите над неколку други региони на југот и западот на земјата, како и над полуостровот Крим, објави Министерството на Телеграм.
Министерството соопшти дека неговите одбранбени единици уништиле и наведувана ракета над Азовското Море.
Во меѓувреме, руските трупи ги засилија своите напади во источна Украина, соопшти во неделата војската на Киев, додека официјален претставник на НАТО предвиде дека Москва ќе го зголеми темпото и интензитетот на нападите додека се приближуваат разговорите за ставање крај на војната. Главните напади биле концентрирани во близина на загрозениот логистички центар Покровск, соопшти Киев.
Во наредните денови се очекува американски и руски претставници да разговараат во Саудиска Арабија, а американскиот претседател Доналд Трамп да се заложи за мир.