Најмалку тројца планинари загинаа денес кога еден од најактивните вулкани во земјата еруптираше во источна Индонезија, исфрлајќи пепел со километри во воздухот, соопштија официјални лица.
Според „Њујорк тајмс“, вулканот Дуконо, кој се наоѓа на островот Халмахера, еруптирал околу 7:40 часот по локално време, со силен татнеж и формирање густ облак од пепел околу десет километри над врвот, според извештајот на Индонезиската вулканолошка служба.
🚨 Three hikers dead and at least 10 missing after deadly eruption at Mt Dukono 🚨
There’s been a deadly eruption at Mount Dukono in Indonesia today.
Authorities now say at least 3 hikers have died, with at least 10 still missing and rescue teams continuing searches on the… pic.twitter.com/hLGEX3CBAm
— Volcaholic 🌋 (@volcaholic1) May 8, 2026
Локалниот шеф на полицијата, Ерлихсон Пасарибу, потврди дека двајца Сингапурци и еден Индонезиец загинале.
Од вкупно 20 лица кои биле на планината во времето на ерупцијата, 15 планинари успеале безбедно да се спуштат, додека двајца водичи помагаат во извлекувањето на телата на жртвите.
Полицијата истакна дека искачувањето на Дуконо е строго забрането од минатиот месец поради зголемената активност на вулканот, за што јавноста беше информирана на 17 април.