Пожар изби во трговски центар во градот Давао на Филипините при што загинаа најмалку 37 лица. Пожарникарите со часови се обидуваат да го изгаснат огнот, кој започнал на третиот кат и се проширил нагоре, при што ги заробил вработените во кол-центарот.
Според градоначалникот на Давао, Паоло Дутерте шансите тие да преживеат се мали, а претседателот на Филипините, Родриго Дутерте, таткото на градоначалникот Паоло, се сретна со настраданите пред опожарениот трговски центар.
Според директорот за маркетинг на трговскиот, пожарот избил на третиот кат каде што се продава облека и мебел, а се уште се утврдуваат причините за истиот.