Најмалку 36 лица загинаа на хавајскиот остров Мауи каде пожарите, потпомогнати од ураганските ветрови, го уништија и одморалиштето Лахаина, соопштија денеска локалните власти. Официјални лица велат дека е тешко да се одреди вистинската големина на штетата на островот Мауи и предупредуваат дека бројот на жртвите може да се зголеми.
Пожарот уништи голем дел од Лахаина на Мауи, туристички и деловен центар каде живеат околу 13.000 луѓе. Раселени се стотици семејства. Неколку илјади луѓе се евакуирани од островот.
Брајан Шац, американски сенатор од Хаваи, објави на социјалните мрежи дека Лахаина е „речиси целосно изгорена“.
Лахаина е историски град во западен стил на островот Мауи. Центарот на тој град е создаден на почетокот на 18 век и е наведен во Американскиот национален регистар на историски места.