ВИДЕО: Над 170 повредени во жестокиот судир на израелската полиција и Палестинците во Ерусалим

Од:

Повеќе од 170 Палестинци и шест израелски полицајци беа повредени, повеќето во областа на џамијата Ал Акса во источен Ерусалим, каде што верници се собраа на последната голема петочна молитва пред крајот на Рамазан.

Избувнаа судири меѓу палестински млади лица кои, според портпаролот на израелската полиција, Васем Бадр, фрлале камења, шишиња и други предмети, и полицајците кои реагирале со гумени куршуми и шок бомби.

Судири имаше и во соседната населба Шеик Џарах, каде што секојдневните вечерни протести против можното иселување на палестински семејства во корист на еврејските доселеници преминаа во насилство во последните денови.

Црвениот крст соопшти дека вчера најмалку четири Палестинци биле повредени таму.

САД повикаа на „деескалација на тензиите“ и избегнување на иселување на палестинските семејства, а координаторот на ОН за Блискиот исток Тур Венеслан изрази „длабока загриженост“ за ситуацијата и повика на „одговорност и смиреност“.

– Израел е одговорен за опасните случувања во Стариот град, изјави претседателот на палестинските власти Махмуд Абас и повика за состанок на Советот за безбедност на ОН. Исламистичкото движење Хамас, кое има власт во појасот Газа, ги повика Палестинците да останат во областа на џамијата до четврток наутро, кога за муслиманите завршува светиот месец Рамазан.

Би можело да ве интересира

Израелските воздухопловни сили нападнаа зграда во предградие на Бејрут

Кац: Без мир во северните погранични градови на Израел, нема да има мир во Бејрут

Ракети од Либан се истрелани кон Израел

Галант го повикува Израел да му даде приоритет на враќањето на заложниците

Хамас: Подготвени сме за сериозни преговори за ставање крај на војната во Газа

Убиен командант на Хезболах во напад на југот на Либан