Американскиот центар за следење на урагани соопшти дека на Хаваи им се закануваат ураганот „Изел“ и тропската бура „Хулио“.
Ураганот „Изел“ се наоѓа на 1.700 километри од Хаваи и се движи со брзина од 26 километри на час, со ветер кој достигнува брзина од 200 километри на час, соопшти Националниот центар за следење на урагани, со седиште во Мајами.
Жителите на Хаваи веќе започнаа да купуваат основни намирници и да се подготвуваат за невремето кое што доаѓа.
-Ураганот треба да ја промени насоката на движење во наредните часови и да изгуби на јачина во наредните 48 часа-стои во соопштението.
Тропската бура „Хулио“ се наоѓа на 1.845 километри од Долна Калифорнија во Мексико и се движи со брзина од 20 километри на час, со ветер од 985 километри на час, пренесе „Франс прес“.
Е. Г.