Проруските сили во Источна Украина соопштија дека пронашле предмет, кој личи на црна кутија и дека се подготвени да го предадат на меѓународните истражувачи, пренесуваат медиумите, додека, пак Украина ги обвинува дека ја опструираат истрагата за малезискиот авион и дека ги прикриваат доказите од местото на несреќата.
Киев тврди дека сепаратистите ги пренеле телата на жртвите во Доњецк, наспроти апелот од странство да се остават на местото на несреќата и да не се чепкаат.
– Експерти со руски акцент се закануваат дека сами ќе извршат аутопсија – се наведува во владиното соопштение во кое се истакнува дека бунтовниците се обиделе остатокот од авионот да го однесат во Русија.
Владата исто така потврди и дека црната кутија не е предадена на Киев. Странските медиуми наведуваат дека на местото на несреќата се забележани лица во униформи на кои нема никаква ознака и дека тие шетале наоколу и ги ставиле телата во пластични кеси. Како што се наведува „вооружени бунтовници предводени од Русија“ ги спречуваат меѓународните експерти да ја започнат истрагата и не им дозволуваат на набљудувачите на ОБСЕ да дојдат до местото на настанот.
Проруски сепаратисти негираат дека уништуваат докази Експертите истакнуваат дека обезбедувањето на местото на несреќата е од пресудно значење за зачуваат доказите, кои што се потребни за утврдување на падот на малезискиот „Боинг 777“.
-Постојат индиции дека клучните докази не се на место – вели малезискиот политичар, Лио Тјонг Лај.
Сепак руските бунтовници ги негираат обвиненијата дека го загрозиле местото на несреќата.
-Телата на жртвите лежат на топлина. Го задржуваме правото да ги тргнеме од тука, доколку процесот се одолжи и ја молиме Русија да испрати свои експерти во помош – рече претседателот на самопрогласената Доњецка Република, Александат Бродаи.
Проруските сили соопштија и дека дошле до предмет кој личи на црна кутија и дека се подготвени да им го предадат на меѓународните истражувачи. „Ројтерс“ пренесе дека еден од лидерите на проруските сили рекол дека пронашле објекти кои личат на црни кутии и дека ги однеле во Доњецк.
Руси бараат да им се прости Голем број Руси оставија цвеќе и пораки пред холандската амбасада во Москва. „Простете ни“, „Не се сите Руси убијци и терористи“, „Ова е срамно“, „Во нашата држава има многу луѓе кои ги сакаат другите. „Простете во нивно име“, се дел од пораките кои граѓаните на Москва ги оставија пред амбасадата на Холандија.
Е.Г.