ВИДЕО: Молдавски политичари се тепаа во живо на телевизија, еден остана да лежи нокаутиран

Од:

Скандалозна физичка пресметка меѓу политичари се случи во Молдавија, кога поранешниот заменик-министер за полиција Генадиј Косован се степа со екссоветникот на претседателката Маја Санду Сергеј Тофилат, за време на телевизиска емисија која се емитуваше во живо. Во тепачката, Косован ја изгубил свеста и морал да биде хоспитализиран, јавија локалните медиуми.

Двајцата политичари беа гости во популарната емисија „Журнал“, а за време на дебатата паднаа лични навреди меѓу соговорниците. Тофилат го нарече својот противник „недоносче“, на што Косован најпрво замавна со раката како да сака да го удри, а потоа му истури чаша вода во лицето на помладиот соговорник.

Испровоциран од овој чин, поранешниот втор човек на молдавската полиција со тупаници му се нафрли на Косован, испраќајќи го на подот, каде иницијаторот на инцидентот и остана да лежи, во бессознание.

„Ако некој ве полее со вода, одговорете на ист начин, а не со тупаници… Посебно не смеете да користите насилство на телевизија. Господинот Косован доби медицинска помош“, напиша по инцидентот на Фејсбук претседателот на Либералната партија Дорин Чиртоака, кој исто така беше еден од гостите во скандалозната емисија.

Случајот сепак се заврши добро – водителот на емисијата „Журнал“ Дмитриј Мишин вечерта по тепачката објави фотографија на која се гледа како Тофилат и Косован се ракуваат, со порака дека нивниот конфликт е решен.

Би можело да ве интересира

Жени се тепале во Карпош, па се вмешале и мажите – еден е ранет со нож

Жарко Настоски

ВИДЕО: Фудбалерите на Бока предизвикаа масовна тепачка во Бразил, ноќта ја минаа во автобус пред полициска станица

Жарко Настоски

Предвремени парламентарни избори во Молдавија

Ана Ололовска

ВИДЕО: Маж со боксови во глава претепа девојка во теретана

Предраг Петровиќ

Скопската полиција реши четири тепачки, уапси осуммина тепачи

Жарко Настоски

Татко и син тепале комунален редар во Шутка

Жарко Настоски