На втората вечер од конвенцијата на Републиканската партија, поддржувачите и роднините на актуелниот американски претседател повикаа на негов реизбор.
Свое обраќање имаше и државниот секретар на САД, Мајк Помпео, кој преку конференциска врска од Ерусалим рече дека неговото семејство и сите Американци денес живеат подобро и побезбедно благодарение на Трамп.
Тој нагласи дека слободите на граѓаните се загарантирани бидејќи претседателот ја спровел својата визија да ја направи Америка „повторно голема“.
“My husband’s Administration will not stop fighting until there is an effective treatment and vaccine available to everyone.”—@FLOTUS#RNC2020 pic.twitter.com/hu0Itg6CyM
— GOP (@GOP) August 26, 2020
Од говорницата дадоа поддршка и членовите на семејството на претседателот.
Ќерката Тифани, неговиот син Ерик, како и сопругата Меланија, се обратија на конвенцијата пред делегатите на Републиканската партија, од каде побараа од граѓаните да гласаат за Трамп доколку сакаат економски развој и поголема безбедност.
Првата дама на САД од говорницата се наврати на минатото и зборуваше за средбата со Трамп и неговите животни определби.
„Дојдов во САД кога имав 26 години, да живеам и работам во една земја која нуди можности, тоа беше сон за мене. Мојот сопруг знае да направи вистинска разлика. Од денот кога го запознав, тој секогаш сакаше да ја подобри државата. Граѓаните во него гледаат претседател кој нема да престане да се бори за сите нас. Јас сум горда што можам да ги видам сите работи што се направени за толку краток период“, рече Меланија Трамп пред присутните во Белата Куќа.