Приврзаници на американскиот претседател Доналд Трамп почнаа да се собираат во американскиот главен град Вашингтон Ди-Си во знак на протест против, како што велат тие, „изборната кражба“ на претседателските избори.
THIS CROWD IS MASSIVE !!! @realDonaldTrump ?????? pic.twitter.com/BTOPsYettK
— Million Maga March (@MilionMagaMarch) November 14, 2020
Според бројот на присутните, се смета дека ова е најголемиот митинг за поддршка на Трамп во изминатите четири години, откако е на највисоката функција во САД.
Претходно, имаше и други протести кои беа про-Трамп низ целата земја, откако Бајден беше прогласен за победник на 7 ноември, но тие беа во помал обем.
Во Вашингтон Ди-Си според локалните медиуми, засилено е присуството на полицијата за да спречат евентуални судири со демонстранти од Демократската партија на САД кои се во близина на Врховниот суд.
На протестите присуствуваат истакнати членови на екстремната десница, како што се Алекс Џонс, познат во САД како „теоретичар на заговори“, и самопрокламираниот „американски националист“ Николас Фуентес. Со нив се и припадниците на групата „Горди момчиња“.
Во првото обраќање по изборите на 3 ноември, Трамп вчера нагласи дека „времето ќе покаже“ дали тој ќе остане претседател.
Маршот се одржува под слоганот – „Марш на милионите – Да ја направиме Америка повторно голема“, што беше и негов слоган на изборите во 2016 година кога ја победи тогашната државна секретарка Хилари Клинтон.
Политичкиот експерт, Дан Бонгино во четвртокот објави видео на кое се гледа како масовен конвој на камионџии се упатува кон главниот град за да се приклучи на големиот митинг.
Remember when I told you we need the biggest Trump rally ever right now?
Look at what's heading to DC… ?https://t.co/bjzQYhj5BN
— Dan Bongino (@dbongino) November 12, 2020
Протестот е организиран од припадници на Републиканската партија на САД, истакнати конгресмени и сенатори заедно со про-Трамп групи и конзервативни новинари како Џек Пособиец и Мајк Церновиќ.
President Donald J Trump just drove by at the Million Maga March!!! pic.twitter.com/kAb7p7t7is
— Million Maga March (@MilionMagaMarch) November 14, 2020
За време на протестот се појави и претседателот на САД, Доналд Трамп кој ги изненади поддржувачите поминувајќи со автомобил за да ги поздрави.