Копилотот на авионот на германската компанија „Џерман вингс“, Андреас Лубиц, за кого постои сомневање дека намерно го урнал авионот со 150 патници и членови на екипажот, бил на боледување на денот на несреќата, но тоа не го пријавил кај претпоставените, соопшти германското обвинителство, врз основа на доказ кој го пронашле истражителите.
-Пронајдени се документи со медицински податоци кои укажуваат дека тој бил болен и дека лекарите му препишале соодветна терапија – соопшти канцеларијата на обвинителстовото во Дизелдорф, откако истражителите извршиле претрес во неговиот стан во тој град, како и во куќата на неговите родители во Монтабаур.
Како што пренесе „Ројтерс“ пронајдената потврда била искината со што се потврдува претпоставката дека тој криел дека е болен.
Авионот на германската компанија, со 144 патници и шест членови на екипажот, се урна во вторник во француските Алпи додека сообраќал на линијата Барселона- Дизелдорф.
Е.Г.