Катарскиот емир, шеикот Тамим бин Хамад ал-Тани, на турскиот претседател Реџеп Таип Ердоган му подари авион „боинг 747-8“, еден од најголемите и најскапи приватни авиони на светот.
Луксузниот авион, вреден речиси 367 милиони американски долари, слета на меѓународниот аеродром во Истанбул.
Авионот е дизајниран за превоз на 94 лица, односно 76 патници и 18 члена на екипажот, а во него се наоѓаат разновидни и пространи кабини, првокласни седишта, сали за состаноци, па дури и болница.
Авионите „боинг 747-8“ претходно ги користеше приватна авиокомпанија кога превезуваше членови на кралското семејство и високи државни официјални лица.