Претседателот на Еквадор, Даниел Нобоа, потпиша извршна уредба со која се прогласува дека во таа земја е во тек внатрешен вооружен конфликт. Тој изјави дека во земјата има голем број организирани криминални групи кои ги означи како терористички организации, додавајќи дека на вооружените сили им наредил да спроведат воени операции за неутрализирање на овие групи.
🇪🇨⚡️🪖 — EQUADOR: “Não podemos permitir que nosso povo se deixe intimidar. Se mexem com o povo equatoriano, mexem com as Forças Armadas”, foi a mensagem da instituição após os acontecimentos violentos no país. pic.twitter.com/bowR7qH2eB
— jonataribas (@jonataribas_) January 10, 2024
Напаѓачите упаднале во студиото за време на директен ТВ пренос и ги принудиле вработените да легнат на подот, додека во позадина се слушале истрели и викање.
Полицијата во меѓувреме соопшти дека ги евакуирала вработените.
На социјалните мрежи може да се видат и видеа од армиски тенкови кои се донесени на улиците на главниот град.
Да потсетиме, во Еквадор е на сила вонредна состојба поради бегството од затвор на водачот на озлогласената криминална група Адолфо Масиас Виљамар, познат како Фито, по што беа киднапирани најмалку седум полицајци, а низа евидентирани се експлозии низ целата земја.
Групата на Фито, меѓу другото, е осомничена и за убиство на претседателски кандидат во Еквадор.