Жена од Колумбија која две години се водела како исчезната, беше пронајдена жива на два километра од брегот на градот Пуерто Колумбија, во водите на Атлантскиот Океан.
Анхелика Гаетан (46) во саботата случајно ја пронашол рибарски брод, како плута во водата на гума за спасување. Била истоштена, со хипотермија и не знаела каде се наоѓа.
Полицијата почна истрага за случајот, за да се открие каде била спасената жена изминативе две години и како завршила во океанот.
Според тамошните медиуми, таа била во водата најмалку осум часа, пред да биде извлечена и префрлена в болница, по што долго време била во шок.
Нејзиното семејство веќе почнало да собира пари за таа да се врати во родната Богота.