Демонстрантите во јужниот ирачки град Басра се обидоа да ја запалат локалната канцеларија на парламентот откако безбедносните сили пукаа во воздух за да ја растераат толпата, пренесе Ал Џезира.
„Во денешните судири наjмалку осум полицајци се повредени“, изјави Али ал-Бајати портпаролот на ирачката Комисија за човекови права.
Protesters in #Basra are clashing with security forces and getting pushed back near the parliament office. They want to know who killed two activists. #Iraq pic.twitter.com/1Fg5yVLDDa
— Simulation Warlord?? (@zerosum24) August 21, 2020
Учесниците на протестот се собраа за да побараат од парламентот да го отпушти гувернерот на провинцијата, откако двајца активисти беа убиени, а неколкумина беа повредени во три одделни напади од непознати вооружени лица.
Демонстрантите во знак на револт ја запалија надворешната порта на влезот во зградата на локалното преставништво на парламентот.
Ова е најнасилниот инцидент во Басра од октомвриските масовни антивладини демонстрации кога десетици илјади излегоа на улиците во земјата за да ја осудат владината корупција во Багдад.