Инагурацијата на Доналд Трамп е преместена на затворено проади големиот студ во Вашингтон. Трамп заклетвата ќе ја положи внатре во Kапитол, бидејќи како што објави, најавите за временските услови се ужасни. Последен пат, церемонија беше преместена на затворено во 1985 кодина за инагурацијата на Роналд Реган.
Безбедносните мерки за инагурацијата, за која беше проценето дека е ризик на терористички напад, се на највисоко ниво. Илјадници припадници на сите безбедносни агенции во САД се ангажирани за безбедноста на инагурацијата.
Претседателот на Владата Христијан Мицкоски од утре па во наредните неколку дена ќе присуствува во САД.
Премиерот коj ќе биде придружуван од Министерот за надворешна политика и надворешна трговија Тимчо Муцунски, заменик претседателот на Владата и министер за животна средина и просторно планирање Изет Меџити и заменик министерката за европски прашања Викторија Трајков во Вашингтон ќе присуствуваат на инагурациската церемонија на новиот американски претседател Доналд Трамп.
Меѓудругото делегацијата предводена од македонскиот премиер Мицкоски ќе присуствува и на свеченоста насловена како „Гласови на слободата“ која ќе се одржи по инаугурацијата организирана од компаниите „Трамп медиа“ и „Рамбл“.
Очекувањата се дека за време на престојот, премиерот Мицкоски ќе оддржи повеќе билатерални средби, контакти и средби со повеќе луѓе од новата администрација на американскиот претседател.