Starship е најмоќната ракета некогаш направена, а SpaceX, во сопственост на милијардерот Илон Маск, денеска го прави своето прво лансирање.
Ѕвездениот брод е висок речиси 120 метри и има речиси двојно поголем потисок од која било ракета во историјата. Пробно лансирање без екипаж треба да се изврши денеска од Бока Чика, Тексас. Целта е да се одвои еден дел од леталото по лансирањето и да се испрати на исток за да се направи круг околу Земјата.
Претпоставувајќи дека сè оди според планираното, Starship ќе се подигне со своите 33 мотори кои горат две минути и 49 секунди. После тоа, двете половини од ракетата ќе се разделат, а горниот дел, самото летало, ќе продолжи со своите мотори уште шест минути и 23 секунди.
На долг рок, SpaceX очекува и засилувачот и вселенското летало да вршат контролирани слетувања за да можат да наполнат гориво и повторно да се лансираат.
Еден од најзаинтересираните гледачи во понеделник ќе биде американската вселенска агенција НАСА.
НАСА му дава на SpaceX речиси 3 милијарди долари за развој на варијанта на Starship што ќе се користи за слетување на астронаутите на Месечината.