Француското обвинителство покрена истрага за повеќекратно убиство откако во понеделникот вечерта беа пронајдени пет тела во градот Мо, североисточно од Париз.
@remybuisine 🚨 À Meaux, une femme et ses 4 enfants retrouvés morts, le père suspecté.
Локалните медиуми јавуваат дека жена и нејзините четири деца се жртви на повеќекратно убиства, пренесува Фигаро.
Веб-страницата Actu17, која прва објави за овој случај, наведува дека полицијата трага по 33-годишниот татко, кој е „во бегство“. Медиумите пишуваат дека таткото веќе и е познат на полицијата и е главен осомничен во овој случај.
Телата се пронајдени во стан во градот Мо, кој е оддалечен 41 километар од Париз. Истрагата е во тек, а повеќе информации ќе бидат објавени подоцна.