Хеликоптерот во кој се наоѓаше иранскиот претседател и неколку други политичари, наводно, денеска бил надвор од радарот речиси еден час, пред „грубо да слета“. Информациите од Иран се нејасни. Една агенција објави дека тој го продолжил патувањето со автомобил, по копно, но потоа веста била избришана. Она што е сигурно е дека инцидентот со хеликоптерот се случил, а информациите за повредени се уште не се познати бидејќи спасувачките екипи не стигнале на местото на инцидентот.
На патувањето биле три хеликоптери. Видеото објавено од иранската новинска агенција покажува дел од регионот каде се верува дека е хеликоптерот.
— Pluton (@Pluton45873221) May 19, 2024
Иранскиот министер за внатрешни работи Ахмад Вахиди објави на својот Твитер профил и напиша дека спасувачките екипи се уште не стигнале на местото на инцидентот во планините – каде се случи несреќата со хеликоптерот во кој се наоѓаше иранскиот претседател.
Тој истакна и дека се работи за принудно слетување поради тешки временски услови – магла.
На интернет се појавија наводни сведоци кои всушност го виделе инцидентот.
Хеликоптерот со иранскиот претседател Ебрахим Раиси (63) грубо слетал, објави во неделата државната телевизија, додавајќи дека на местото на инцидентот биле испратени дури 16 спасувачки екипи.