Центарот на Техеран е видливо празен, а многу продавници, вклучувајќи ја и познатата Голема чаршија, се затворени, нешто што се случуваше само во минатото за време на масовни антивладини протести или за време на пандемијата на коронавирусот. Сообраќајни метежи се регистрирани на патиштата од главниот град до западен Иран, додека на бензинските пумпи се формираат долги редици.
🚨 MOYEN ORIENT#Téhéran en pleine évacuation cette nuit… Je vous partage le post initial. Les images sont impressionnantes. #IranUnderAttack https://t.co/mgqVOXHFlt
— Pulse News (@Pulse_NewsX) June 17, 2025
Многу граѓани, според медиумските извештаи, се упатуваат кон регионот на Каспиското Море. И покрај растечките тензии, иранските власти тврдат дека ситуацијата е под контрола и досега не издале конкретни упатства за населението, објавува „Тајмс оф Израел“.
Локалните медиуми објавуваат дека најмалку три лица се убиени, а четири се ранети во израелски напад врз контролен пункт во близина на градот Кашан. Не е прецизирано дали жртвите биле цивили или припадници на војската.
Исто така, државната телевизија ИРИБ објави дека тројца нејзини вработени се убиени во израелски напад врз седиштето на медиумската куќа во Техеран во понеделник и дека неколку лица се повредени.