Војници патролираат по напуштените улици на главниот град на Бангладеш, Дака, утринава бидејќи беше воведен полициски час за да се смират протестите во кои загинаа повеќе од 100 луѓе оваа недела и беа насочени кон владините квоти за работни места во државната служба. Во судирите со полицијата за време на протестите предводени од студентите загинаа најмалку 105 луѓе, а илјадници беа повредени оваа недела, објави Ројтерс.
BREAKING: Bangladesh has imposed a CURFEW and has deployed the ARMY to control ongoing protests against PM Hasina's authoritarian rule.
The death toll since Monday has climbed to at least 105.
Stay tuned.
pic.twitter.com/goHdtwAtcn— Steve Hanke (@steve_hanke) July 19, 2024
Од четвртокот во Бангладеш се суспендирани услугите на интернет и текстуални пораки, бидејќи полицијата ги разби протестите, кои продолжија и покрај забраната за јавни собири.
Немирите ширум Бангладеш првично избувнаа бидејќи студентите жестоко се спротивставија на воведувањето нови квоти за владини работни места, вклучително и квота од 30 отсто за ангажирање членови на семејствата на оние кои се бореа за независност од Пакистан.
Во изминатите пет дена полицијата употреби солзавец и шок бомби за да ги растера демонстрантите кои фрлаа камења кон безбедносните сили.