Хамас објави пропагандно видео на кое се гледаат двајцата заложници, Гај Гилбоа-Далал и 22-годишниот српски државјанин Алон Охел, како се возат низ градот Газа.
Целта на овој потег е очигледно да се влијае врз израелското јавно мислење, во екот на засилениот воен напад врз Газа.
Видеото, за кое се верува дека е направено минатата недела, го прикажува Гилбоа-Далал во автомобил како вози покрај разни локации, вклучувајќи го и седиштето на Црвената полумесечина. Оштетените згради може да се видат низ прозорецот на автомобилот. CNN ја потврди локацијата на снимката.
Hamás publicó un video de los rehenes israelíes Guy Gilboa-Dalal y Alon Ohel
Ver más: https://t.co/vicDLhCtiK#BringThemHomeNow #Israel @Israel #Netanyahu @netanyahu @IsraeliPM @itamarbengvir @bezalelsm #WestBank #Cisjordania #Palestine #FreePalestine #IDF @IDF @idfonline… pic.twitter.com/6eljouYceE
— ITON GADOL es Israel y las comunidades judias (@Itongadol) September 5, 2025
Кон крајот на видеото, Гилбоа-Далал и Алон Охел, државјанин на Србија, се прегрнуваат во автомобилот и изразуваат изненадување што се гледаат. „Не можам да верувам дека те гледам“, повторува Гилбоа-Далал.
Ова е една од ретките снимки што ги прикажува заложниците над земја. Гилбоа-Далал, веројатно под принуда, вели дека видеото е снимено на 28 август и дека е во заробеништво 22 месеци.
Објавувањето на видеото се совпадна со 700-тиот ден од војната, кога во Израел се одржаа протести со барање за ослободување на заложниците.