Лидерот на опозицијата во Венецуела, Хуан Гуаидо, рече дека е подготвен за дијалог со претседателот на државата, Николас Мадуро, за да најде решение за кризата, а во исто време изрази подготвеност да соработува со Русија.
Во интервју за француската телевизија Франс 24, тој нагласи дека опозицијата би можела да „разговара со диктаторот”, и повика на продолжување на демонстрациите и дипломатскиот притисок врз Каракас.
Коментирајќи ја изјавата на рускиот претседател Владимир Путин дека не треба да отстапува од демократските процедури и дека судбината на Венецуела треба да се реши преку избори, Гуаидо рече дека тој и неговите сојузници внимателно го слушале она што го кажал рускиот претседател, но исто така и францускиот лидер.
-Ние сме подготвени да соработуваме со рускиот претседател, но и со сите други претседатели за овој проблем, рече Гуаидо, додавајќи дека инсистира на слободни избори во Венецуела, со присуство на странски набљудувачи.