Реакцијата на Џорџа Мелони додека ги чека Бајден и Столтенберг веќе стана хит во медиумите и на социјалните мрежи.
Во Вашингтон во Соединетите Американски Држави се одржа самитот на НАТО алијансата на кој се разговараше за зголемувањето на нивото на безбедност на членките, како и за ситуацијата на украинскиот фронт. Америка потврди нова помош за Украина, а „ѕвезда“ на самитот стана италијанската премиерка Џорџа Мелони, која покажа дека нема многу трпение.
Giorgia Meloni on top eye-rolling form as leaders at the @Nato summit wait for Stoltenberg and Biden to arrive for today's first session pic.twitter.com/0lczOywwav
— Henry Foy (@HenryJFoy) July 11, 2024
Како што може да се види на видеата кои се појавија на социјалните мрежи, таа разговараше со претседателот на Финска, Александар Стуб додека ги чекаше со останатите американскиот претседател Џозеф Бајден и генералниот секретар на Алијансата, Јенс Столтенберг. Очигледно, тие стоеле и разговарале извесно време, поради што Мелони го изгубила трпението кога прво ги преврте очите, по што, според „Њујорк пост“, погледнала во левата рака, иако на неа немала часовник.
Не се знае за што разговарале, но нејзините гримаси доволно кажуваа колку ужива во овие разговори како и во чекањето на продолжението на обраќањата и средбите. Исто така, кога конечно се појави Бајден, таа срдечно го поздрави, иако многумина сугерираа дека Мелони не сакала да го бакне американскиот претседател во образ.