Повеќе непотврдени извештаи и видеа од експлозии доаѓаат утринава од окупираните територии на југот и југоисточниот дел на Украина, пишува Гардијан.
Explosions in occupied #Donetsk are being reported. pic.twitter.com/eoPriFgQLI
— NEXTA (@nexta_tv) August 16, 2022
Украинската телевизија NEXTA-TV објави непотврдена снимка од експлозијата наводно од Џанкој на Крим. Рускиот медиум РИА Новости јави дека утрово околу 6 часот во градот се запалила трафостаница.
Административниот началник на Крим, Сергеј Аксјонов, кој беше назначен од Русија, рече дека итно отишол во селото Мајскоје во близина на Џанкој.
„Отидов во селото Мајскоје. Се истражуваат околностите на инцидентот. Ќе ве известам веднаш штом ќе бидат достапни информациите“, рече Аксјонов на својот канал на Телеграм, а пренесува РИА.