(ВИДЕО) Голем украински напад на Крим: Гори бродоградилиште, 24 повредени

Од:

Гори бродоградилиште во Севастопол, Крим, а два брода се оштетени откако Украина рано утринава го нападна пристаништето со десет ракети и три глисери, соопшти руското Министерство за одбрана. Противвоздушната одбрана собори седум ракети, а патролниот брод ги уништи сите три чамци, додаде министерството на социјалната мрежа Телеграм.

„Како резултат на ударот на непријателските крстосувачки ракети, два брода кои беа на поправка се оштетени“, соопшти Министерството. Михаил Развозаев, прорускиот гувернер на Севастопол, најголемиот град на Крим и главното пристаниште на Црното Море, на Телеграм изјави дека најмалку 24 лица се повредени.

Стратешкото бродоградилиште на полуостровот, кој беше анектиран од Русија во 2014 година, гради и поправа бродови и подморници за руската Црноморска флота, која изврши бројни напади со беспилотни летала и крстосувачки ракети врз Украина. Развозајев објави фотографија на која се гледа како гори пристанишната инфраструктура. Руските новински канали на Телеграм, исто така, објавија видеа и фотографии од пожар покрај морето.

Официјален Киев се уште не се огласил. Украина никогаш не презема одговорност за напади во Русија или на украински територии контролирани од Русија. Но, во последниве месеци се зборуваше за уништување на руската воена инфраструктура што ја помага контраофанзивата на Киев.

Би можело да ве интересира

Зеленски: Украинската армија сега е поголема од руската

Четири држави против Украина во НАТО

ВИДЕО: Енергетскиот сектор во западна Украина настрада во рускиот напад, објавени првите снимки

Катерина Ѓуровски

(ВИДЕО) Голем руски напад на Украина: експлозии во Харков, узбуна и во Полска

Катерина Ѓуровски

Инвестирајте повеќе во одбрана или почнете да учите руски, порача шефот на НАТО

Украина транспортирала околу 11,36 милиони тони руска нафта преку нафтоводот Дружба во 2024 година