Повеќе од стотина лица нападнаа полициска станица во францускиот град Трап, во текот на протестите поради инцидентот кој изби кога полицаец сакаше да напише казна поради носење муслимански вел.
Во насилството во Трап, западно од Париз, синоќа беа повредени еден тинејџет и четири полицијаци, а шест лица беа притворени.
Групата напаѓачи палеше контејнери и кршеше автобуски станици, по што полицијата беше принудена да исфрли солзавец.
Насилството избило во текот на протестното собирање поради апсење на маж, на чија сопруга и била врачена казна поради носење никаба. Мажот го нападнал полицаецот кој ја напишал казната.
На жените во Франција од 2011 година им е забрането носење вел.
Елена Георгиевска