(ВИДЕО) Демонстранти повторно го напднаа Макрон: Дај си оставка

Од:

Демонстранти го пречекаа францускиот претседател Емануел Макрон со свирежи и го повикаа да поднесе оставка на првата средба на претседателот со демонстрантите откако тој го потпиша непопуларниот закон за зголемување на старосната граница за пензионирање.

Пред фабриката што ја посети денеска во источниот регион Алзас, Макрон беше пречекан со непријателски транспаренти и тропање на тенџериња. Синдикалните работници накратко ја исклучија струјата во фабриката.

Додека шеташе меѓу луѓето во блиското село, многумина скандираа „Макрон, оставка!“, еден човек му рече: „Не ја сакаме оваа пензиска реформа, што не разбираш?“.

Друг го обвини за водење корумпирана влада и рече: „Наскоро ќе паднеш. Само почекај и ќе видиш“. Но, некои го поздравија. „Издржи“, му вели еден маж, додека една жена му се заблагодарила за работата, а други побараа селфи.

Сепак, дури и во областа што го фаворизира и гласаше повисоко од просекот за него на претседателските избори во 2022 година, тој беше пречекан главно негативно.

Викендов Макрон го потпиша законот за зголемување на старосната граница за пензионирање, според кој граѓаните наместо до досегашните 62, за да добијат пензија мора да работат до 64 години.

Поради ова веќе три месеци траат протести на кои учествуваат огромен број луѓе. Според анкетите, огромното мнозинство Французи се против реформата.

Во селото Селестат, центристичкиот претседател рече дека го разбира изразот на незадоволство, но дека „земјата мора да оди напред“.

Претходно при посетата на фабриката рече дека не е можно да се слушаат само оние кои се „најгласни“ и ги истакна позитивните аспекти на француското трудово законодавство.

Би можело да ве интересира

Франција: Едно лице загина, а неколку се повредени во Мулхаус, Макрон тврди дека станува збор за „исламистички тероризам“

Макрон: Франција нема да испрати копнени трупи во Украина

Макрон за средбата во Ријад: Трамп може повторно да започне корисен дијалог со Владимир Путин

Макрон итно ги собира европските лидери на самит за Украина

Катерина Ѓуровски

Трамп ги вклучи сите аларми во Европа: Макрон повика на итен состанок на лидерите на ЕУ во Париз

Првите француски ловци Мираж 2000 пристигнаа во Украина