Најмалку 10 лица загинаа, а 16 затвореници беа повредени во бунт што избувна во затвор во мексиканскиот град Мазатлан. Насилството ескалираше за време на редовните посети, соопшти Секретаријатот за јавна безбедност на сојузната држава Синалоа.
🚨URGENTE
Al menos seis muertos y 15 heridos tras motín en el centro penitenciario El Castillo ubicado en Mazatlán, Sinaloa, México.
🧵 https://t.co/Haa2xswbCY
— News On Demand (@OnDemand_News) October 8, 2026
Меѓу загинатите се девет затвореници и еден цивил кој бил во посета. Повредените затвореници беа пренесени во болница.
Според локалните медиуми, затворениците во судирите користеле огнено оружје. Националната гарда интервенираше и воспостави контрола во затворскиот комплекс, во кој се сместени околу 1.800 затвореници.
Властите засега не објавија дополнителни детали за причините и околностите на бунтот.
Насилството е чест проблем во мексиканските затвори, од кои многу се пренатрупани и под силно влијание на организирани криминални групи, особено наркокартели.