Израелските одбранбени сили (ИДФ) објавија дека бомбардирале ирански авион за полнење гориво на аеродромот Машхад во североисточен Иран, на околу 2.300 километри од Израел, во она што го нарекоа „најоддалечениот напад од почетокот на операцијата“.
„Воздухопловните сили работат на постигнување воздушна супериорност низ целиот Иран“, се вели во соопштението на ИДФ, објавува „Тајмс оф Израел“.
Две израелски ракети денес погодија две локации во центарот на Техеран, што доведе до експлозии.
Видеата што кружат на социјалните мрежи покажуваат чад што се издига од аеродромот Мехрабад, објавува „Анадолија“.
Немаше непосреден коментар од иранските власти за извештајот.
🚨 Longest-range strike yet!
Israel bombs Mashhad Airport in northeastern Iran — a staggering 2,300 km from its border.
This is the farthest hit since the operation began! 💥✈️🇮🇷 #IsraelIran #Mashhad #Breaking#Israel #Iran #Tehran #MashhadAirport pic.twitter.com/6mraRRrxHx— know the Unknown (@imurpartha) June 15, 2025
Иранската влада отвори џамии, училишта и станици на метрото за да ги засолни луѓето од израелски напади, објави агенцијата. Иранските државни медиуми претходно објавија дека попладнево се слушнале силни експлозии во северозападните населби на Техеран, Шахрак-е Гарб и Садат Абад.
Медиумите објавија дека воздушната одбрана на градот е активирана за пресретнување на израелски ракети.
Иранските портали „Хабар Онлајн“ и „Хам Михан“ објавија дека системите за воздушна одбрана се активирани западно и северозападно од Техеран за да се спротивстават на новите израелски напади, објави Би-Би-Си.
Весникот „Шарг“ објави видеа на кои се гледаат столбови чад во источниот дел на Техеран.