Израелските сили им дадоа еден час на лекарите, пациентите и раселените лица во болницата Ал Шифа во Газа да го евакуираат медицинскиот комплекс, предизвикувајќи „голема паника и страв“, објави Ал Џезира.
Медицински извор во Ал-Шифа изјави за Ал Џезира дека е „невозможно“ да се евакуира болницата бидејќи во установата, која со денови е бомбардирана и опколена од израелските војници, се сместени околу 7.000 луѓе, вклучително и пациенти кои се во критична состојба.
– Немаат амбулантни возила за префрлање пациенти и предвремено родени бебиња на југот на Газа – рече тој.
🚨🚨BREAKING: IDF ORDERED DIRECTOR AL-SHIFA HOSPITAL TO EVACUATE
Al Jazeera reporting that Senior IDF official calls on Director, Shifa's Hospital to evacuate with in one hour.
Where Doctors, patients &thousands of forcibly displaced people sheltering in the complex north #Gaza pic.twitter.com/TB0edeTwml
— Palestine Eye 🇦🇪 👁 (@PalastineEye) November 18, 2023
Во болницата има најмалку 300 пациенти, од кои некои или повеќето се во тешка или критична состојба, како и илјадници раселени семејства.
Вклучува и најмалку 35 предвремено родени бебиња кои осум дена се надвор од инкубаторите поради недостаток на кислород и струја. 39 бебиња останаа без инкубатори – четири починаа доцна во петокот, а пет сега се тешко болни, според Ал Џезира.
Израелската армија им наложи на луѓето да се евакуираат преку улицата Ал Рашид, што не е вообичаената улица или рута по која треба да поминат луѓето кои се евакуираат на југ.
– Тие обично одат по улицата Салах ал-Дин – рекол изворот.
Израелската војска соопшти дека во болницата Ал Шифа во Газа пронашла „муниција, оружје и воена опрема“ на палестинското движење Хамас, што Хамас го негира.