Американскиот претседател Џо Бајден се сопна и падна откако ја врачи последната диплома на церемонијата на дипломирање на американската академија на воздухопловните сили. Стана со помош на три лица, а потоа се врати на местото каде што седеше. Во моментот кога станува, Бајден покажува нешто зад себе, веројатно од што се сопнал.
Директорот за комуникации на Белата куќа на Твитер потврди дека Бајден е добро. „На сцената имаше вреќа со песок“, објасни ЛаБолт.
Падот дојде откако Бајден го одржа почетниот говор во кој ги предупреди дипломците дека ќе стапат во служба во сè понестабилен свет, наведувајќи ги предизвиците од Русија и Кина.
Бајден се кандидира за реизбор во 2024 година. Лекарите го прогласија за здрав и способен за должност по физичкиот преглед во февруари.
Сепак, ова не е прв пад на актуелниот американски претседател во последно време. Минатата година тој падна од својот велосипед додека се обидуваше да се симне од него. Тој се сопна и во февруари оваа година додека се качуваше по скалите на авионот на заминување од Варшава.