77 китови се насукаа на брегот во Оркни, Шкотска. Тоа е едно од најголемите масовни насукувања во последните децении.
Нуркачите на британскиот BDMLR открија дека 12 животни на плажата Треснес на островот Сандеј сè уште биле живи во моментот на насукањето. Но, тие биле еутаназирани откако спасувачите не успеале да ги вратат во морето. Експертите велат дека е премногу рано да се знае што го предизвикало заглавувањето, пренесува Би-Би-Си.
Dozens of whales dead in 'biggest mass stranding in decades' after pod washes ashore at Tresness on the Orkney island of Sanday https://t.co/aqfZWystsK pic.twitter.com/Eh7d064GfM
— BBC Scotland News (@BBCScotlandNews) July 11, 2024
Патем, ова е најголемото насукување во Шкотска од 1995 година, и покрај фактот што имаше некои од слични размери во последните години. Според Природонаучниот музеј на Велика Британија, најголемото насукување се случило во 1927 година, кога умреле 126 китови.
Портпаролот на Советот на островот Оркни рече дека во тек се дискусии со претставниците на заедницата за тоа како најдобро да се отстранат труповите на животните: „Во претходните околности кога китовите се насукаа на нашиот брег и последователно умреа, пристапот на нашиот тим за здравје на животната средина за отстранување на труповите беше да и се дозволи на природата да го прдолжи својот тек – со советување на јавноста да се држат настрана од областа.
„Нашата проценка во овој случај, со оглед на размерите и веројатните последици по јавното здравје, е дека ќе треба да се преземат појасни мерки, на пример да се закопаат таму каде што се или да се отстранат телата со масовно погребување на друго место.