Во вчерашниот израелски воздушен напад врз амбулантни возила користени за евакуација на ранетите од опколениот северен појас Газа загинаа 15 лица, а 60 беа ранети, соопшти Министерството за здравство на енклавата под контрола на Хамас.
Израелската војска соопшти дека идентификувала и погодила амбулантно возило „користено од терористичка ќелија на Хамас“. ИДФ тврди дека борците на Хамас биле убиени во нападот и ја обвини групата дека превезувала милитанти и оружје во амбулантни возила.
Официјалниот претставник на Хамас, Изат Ел Решик, рече дека наводите за присуството на неговите борци се „неосновани“. Ашраф ал-Кидра, портпарол на Министерството за здравство на Газа, рече дека амбулантата била дел од конвојот цел на Израел во близина на болницата Ал Шифа во градот Газа.
Israeli occupation forces bombed a convoy of Ambulances at the front of Al-Shifa Hospital where injured Palestinians were waiting outside ready to evacuate and go towards the south of Gaza strip.#GazaGenocide #Gazabombing #Ceasefireingazanow#GazaBleedingWorldSleeping… pic.twitter.com/8A9bdzIyhN
— Hafiz Zubair Spanish (@SpanishZubair) November 4, 2023
Кидра рече дека Израел го таргетирал конвојот амбулантни возила на повеќе од една локација, вклучувајќи ги портите на болницата Ал Шифа и плоштадот Ансар на еден километар. Во соопштението за инцидентот, израелската војска не даде никакви докази за да го поддржи тврдењето дека брзата помош е поврзана со Хамас, но рече дека има намера да објави повеќе информации.
„Потенцираме дека оваа област е борбена зона. Цивилите во областа постојано се повикуваат да се евакуираат на југ заради сопствена безбедност“, соопшти војската. Ројтерс не беше во можност самостојно да ги потврди наводите на ниту една од страните.