Потпретседателот на САД, Џ.Д. Венс, ја заврши дводневната посета на Унгарија со порака за поддршка на премиерот Виктор Орбан и критика кон Европската Унија.
Во разговор со новинарите на меѓународниот аеродром „Лист Ференц“ во Будимпешта, Венс им се заблагодари на унгарскиот народ за гостопримството и рече дека Орбан ужива целосна поддршка од него и од американскиот претседател Доналд Трамп, објави унгарскиот „Хирадо“.
„Апсурдно е што бирократијата на ЕУ им наметнува трошоци на унгарскиот народ за да влијае на резултатите од изборите“, рече Венс, додавајќи дека и Трамп го дели ова мислење.