Западен Брег нема да биде анектиран од Израел, изјави денеска американскиот потпретседател Џеј Ди Венс откако израелскиот Парламент усвои два закона насочени кон проширување на израелскиот суверенитет над Западниот Брег.
– Ако ова беше политички потег, тоа беше многу глупав политички потег и јас лично го сфаќам како навреда. Политиката на администрацијата на (американскиот претседател Доналд) Трамп е дека Западниот Брег нема да биде анектиран од Израел, тоа ќе продолжи да биде нашата политика, наведе Венс на крајот од неговата посета на Израел.
Тој истакна дека е оптимист за прекинот на огнот во Појасот Газа.