Владата на претседателот Николас Мадуро ќе ја употреби армијата за да сузбие насилства во државата, изјави синоќа министерот за правда Мигел Родригес.
Во интервјуза државната телевизија тој рече дека припадници на армијата, на морнарицата и ВВС ќе и се придружат на Националната гарда како дел од претстојна акција против криминалот.
Тој не даде детали за планот, но изрази оптимизам дека со спроведувањето брзо ќе се намали стапката на криминал. Венецуела минатата година била на петтото место според ОН, по број на убиства.Пред неа на таа листа се Хондурас, Салвадор, Брегот на Слонова Коска и Јамајка.