Велика Британија денеска соопшти дека ќе ја зголеми помошта за опозициските сили во Сирија, вклучително и испорака на блиндирани автомобили, и предупреди дека Лондон и Европската унија треба да бидат подготвени да преземат натамошни чекори доколку не се најде политичко решение на кризата, пренесе ДПА.
-Сметаме дека доколку не се најде политичко решение на кризата во Сирија и конфликтот продолжи, ние и останатите земји од ЕУ треба да сме подготвени за нови чекори, и не треба да исклучуваме ниту една варијанта, кога станува збор за спасување на животот на луѓето, изјави пред парламентот министерот за надворешни работи Вилијам Хејг.