Велика Британија и нејзините западни сојузници не се доволно подготвени за модерно војување, а особено за брзо распоредување на нови воени технологии, предупреди Грејс Кеси, член на тимот за стратешки одбранбен преглед (SDR) на британската влада.
Стратешкиот документ, кој ги анализира клучните безбедносни закани за Обединетото Кралство, ја истакнува итна потреба од инвестиции во напредни капацитети, муниција и оружје со долг дострел, како и способност за брзо прилагодување на технологијата, пишува бриселскиот „Политико“.
Иако сите препораки беа усвоени, британскиот премиер Кир Стармер одби да се обврзе на зголемување на трошоците за одбрана на три проценти од БДП, износ што експертите го сметаат за минимум неопходен, пренесува Танјуг.
Каси, советничка на поранешниот британски премиер Тони Блер и коосновачка на CyLon Ventures, за Политико изјави дека војната во Украина покажала колку е брза и нестабилна иновацијата на бојното поле.
„Постои постојана борба за одржување на технолошката предност, но циклусите на иновации се исклучително кратки“, предупреди таа, наведувајќи го примерот со беспилотните летала кои можеби се ефикасни денес, но би можеле да станат неупотребливи во наредните недели поради промена на фреквенциите.
Кeси ги наведе бавните процедури за набавка, избегнувањето ризик и зависноста од неколку големи добавувачи како главни пречки.
SDR препорачува воведување на најновите технологии во рок од три месеци за да се биде во чекор со темпото на модерното војување.
Каси нагласи дека дури и драстично зголемување на трошоците без промена на пристапот би било недоволно: „Ако утре го зголемиме буџетот на пет проценти од БДП, но ги задржиме старите навики, сепак нема да бидеме подготвени“.
Генералниот секретар на НАТО, Марк Руте, неодамна ги повика земјите-членки да ги зголемат трошоците за одбрана, предупредувајќи дека Русија би можела да биде подготвена за конфликт со НАТО во следните пет години.
Каси, сепак, забележува дека „сивите закани“ – сајбер нападите и заканите за критичната инфраструктура – се уште поитни предизвици.