Помеѓу 45 и 55 милијарди евра ќе биде цената за напуштањето на ЕУ која што Велика Британија ќе треба да ја плати, пренесува Би-Би-Си.
Британските и европските преговарачи потврдиле дека се договориле околу цифрата кон крајот на минатата недела. Како што објави „Телеграф“ конечната сума ќе биде меѓу 45 и 66 милијарди евра, во зависност од сметката што ќе биде дадена од секоја од страните врз основа на заедничката методологија.
Ова прашања останува нерешено, откако Велика Британија нудеше околу 20 милијарди евра, додека ЕУ сметаше дека сметката треба да биде помеѓу 50 и 60 милијарди евра, а се уште нема официјална потврда од ЕУ и британското министерство за Брегизт за постигнатиот договор.
Пред излегувањето на Велика Британија од ЕУ, Брисел бара напредок по прашањата за правата на европејците во Велика Британија, последиците од разделувањето на границата меѓу Ирска и Северна Ирска и порамнување на сметките.
Челниците на членките на ЕУ на 14 и 15 декември ќе се изјаснат дали се согласуваат со започнување на втората фаза од преговорите, доколку е остварен доволен напредок во тие три прашања.