Велика Британија денеска се огради од предлогот на францускиот претседател Емануел Макрон за првичен едномесечен прекин на огнот меѓу Русија и Украина, објави „Тајмс“.
Според изјавата на британскиот министер за вооружени сили Лук Полард, Франција и Обединетото Кралство не се договориле за делумен план за прекин на огнот за Украина.
Макрон, по самитот во Лондон, кој се одржа вчера, доцна синоќа изјави дека тој и британскиот премиер Кир Стармер разговарале за ограничен едномесечен прекин на огнот во Украина, „во воздух, во море и во областа на енергетската инфраструктура“.
Сепак, како што стојат работите денеска, договор не е постигнат.
„Не е постигнат договор за каква било форма на прекин на огнот“, изјави Полард денеска за Радио Тајмс.