Ватикан денеска побара од владите во светот повеќе да се ангажираат за да го спречат евентуалниот „нов геноцид“ во северен Ирак и во Сирија, а од муслиманските лидери да се оградат од милитантите на Исламска држава, кои убиваат и протеруваат христијани од заземените територии.
Државниот секретар на Ватикан, кардинал Пјетро Паролин денеска изјави дека владите покрај воената помош, мора да се обезбеди повеќе хуманитарна помош за бегалците и оти е потребно да да се посветат на клучните причини за конфликтот, доставата на оружје во регионот и нестабилноста која произлегува од израелско-палестинскиот конфликт.
Паролин истакна дека Католичката црква е посебно загрижена поради тоа што западните влади им нудат визи на прогонетите припадници на верски малцинства од Ирак и од Сирија.
– Христијаните треба да се охрабрат да останат на подрачјата на кои живеат и да им се дадат безбедцносни гаранции за да можат да се вратат во своите домови, посочи Паролин.