Вашингтон се заканува со санкции за да го спречи гасовoдот „Северен поток 2“

Од:

Американската влада планира да воведе санкции за да спречи изградба на гасоводот „Северен поток 2“ кажа синоќа министерот за енергетика на САД, Рик Пери.

– САД јасно се изјаснија. Ние сметаме дека тој проект нема економска основа, изјави Пери.

Според него, Вашингтон пратил јасна порака до Европа треба да го диверсификува бројот на извори на енергенси, снабдувачи и маршрути.

– „Северен поток 2“ не е економски туку најмногу политички гасовод, и ние тоа не го поддржуваме, истакна министерот.

Администрацијата на претседателот Доналд Трамп настојува Германија, чии компании се дел од конзорциумот за изградба на гасоводот, да се откаже од проектот, потенцирајќи ја загриженоста за преголемата зависност на Европа од руски енергенси.

Претходно, „Волстрит журнал“ објави дека санкциите против овој заеднички проект на рускиот државен енергетски монопол „Газпром“ и повеќе европски компании, може да бидат воведени преку законот за Спротивставување на противниците на Америка преку санкции (КААТСА) и би опфатиле инвеститори на проектот и компании изведувачи кои работат на поставување на цевководот по дното на Баличкото Море.

2019-03-12 15:26:04, од Борис Камчев, САД

Би можело да ве интересира

Ким Џонг-Ун: Ова е историски момент

Небензја: Русија ќе бара меѓународно признавање на нацистичките злосторства во СССР

Ослободена е невината жена која поминала 43 години во затвор во САД

Горан Наумовски

Ликвидирани се киднаперите од истражниот затвор во Ростов на Дон

Заложничка драма во истражниот затвор во Ростовската област

Горан Наумовски

Во Лос Анџелес е издадена наредба за евакуација поради ширење на шумски пожар