Кинескиот министер за надворешни работи Ванг Ји изјави денеска дека со воената сила не може да се реши ситуацијата на Корејскиот Полуостров.
Ванг нагласи дека очекува оти ќе се појави можност за враќање на преговорите.
Шефот на кинеската дипломатија наведе дека оној, кој ќе ја провоцира ситуацијата во Северна Кореја ќе мора за тоа и да преземе историска одговорност.
Тој тоа го изјави пред новинарите по состанокот со палестинскиот министер за надворешни работи во Пекинг.