Кина сака да разговара со САД, но дијалогот треба да биде рамноправен, изјави министерот за надворешни работи Ванг Ји на Симпозиумот за меѓународната ситуација во кинеската дипломатија во 2021 година.
Тој ја поздрави соработката на Кина со САД, додавајќи оти истата треба да биде од корист за двете страни.
– Кина исто така е отворена за конкуренција, но конкуренцијата треба да биде здрава, посочи Ванг, додавајќи оти Пекинг не се плаши од конфликти.
Тој на вчерашниот симпозиум покрај кинеско-американските односи зборуваше и за други теми, како прашањето за Тајван, напорите на Кина во одбрана на меѓународната правичност и правда, глобалната борба против Ковид-19 и односите на Кина со Русија.