Руската платеничка група „Вагнер“ планира да регрутира околу 30.000 нови борци до средината на мај, изјави нејзиниот основач Евгениј Пригожин.
Пригожин во аудио порака на Телеграм рече дека центрите за регрутација Вагнер, кои според него биле отворени во 42 руски градови минатата недела, регрутираат во просек од 500-800 луѓе дневно.
Групата Вагнер е руска платеничка организација. Групата е основана од Евгениј Пригожин, бизнисмен тесно поврзан со Владимир Путин. Пригожин е еден од олигарсите санкционирани од Западот како одговор на руската инвазија на Украина.