Воздушната одбрана на Обединетите Арапски Емирати моментално реагира на дојдовни закани со ракети и беспилотни летала од Иран, соопшти денес Министерството за одбрана на земјата.
Министерството во соопштение на платформата X изјави дека звуците што моментално се слушаат се резултат на пресретнување на ракети и беспилотни летала од страна на системите за воздушна одбрана.
Аеродромите во Дубаи соопштија дека некои летови од меѓународниот аеродром во градот ќе бидат пренасочени откако напад со беспилотни летала предизвика пожар во близина на објектот, објави Ал Џезира. Се наведува дека летовите ќе бидат пренасочени кон Меѓународниот аеродром Ал Мактум (DWC) во Џебел Али.
Управата за цивилно воздухопловство на Дубаи претходно објави дека летовите на Меѓународниот аеродром во Дубаи, еден од најпрометните во светот, се привремено суспендирани како превентивна мерка.
Пожарот, кој избувна во резервоар за гориво по напад со беспилотни летала на аеродромот, оттогаш е локализиран.