Во близина на островите Галапагос, Делија Иријарте (40) е тешко повредена кога ја нападна ајкула. Жена нуркала кога ајкула ја каснала за десната нога.
По каснувањето, морето околу неа веднаш поцрвенело, а Делија за малку ќе изгубила свест поради губење на прекумерна количина крв и шок. Веднаш била пренесена во медицинска установа, а лекарот од болницата на островот Санта Круз рекол дека е стабилна и свесна. Несреќната жена била подложена на тешка операција, а лекарите успеале да и ја спасат ногата.
“Почувствував дека нешто силно ме удри и на почетокот не бев свесна што се случува. Се обидов да продолжам да пливам, а потоа видов дека се е црвено од мојата крв”, изјавила Делија.
Според неа, таа сама допливала до брегот.
“Едвај стигнав. Веднаш разбрав дека се работи за ајкула кога ја видов длабочината на каснувањето и повредите кои ми беа нанесени”, изјави жртвата.
Таа изјавила дека се се случило многу брзо и дека не успеала ни да ја види ајкулата која ја нападнала.