Во 2013 година загинале или биле ранети 30 отсто повеќе деца во борбите во Авганистан, отколку во 2012 година, објави денеска УНИЦЕФ.
Претставници на УНИЦЕФ се загрижени поради тој голем пораст за кој Советот за безбедност на ОН извести во јуни.
Најмалку 545 деца се убиени, а 1.149 се ранети во Авганистан во теко на 2013 година, стои во извештајот на УНИЦЕФ. Голем дел од жртвите настрадале од импровизирани бомби, нагазни мини и самоубиствени напади.
– Длабоко сме загрижени со значителниот пораст на бројот на жртви меѓу децата и погубното влијание кое судирите и натаму го имаат врз безбедноста на децата, рече претставник на УНИЦЕФ во Авганистан Акил Иер.