Оваа година околу 186.000 мигранти и бегалци пристигнаа во земјите од јужна Европа, според Високиот комесаријат за бегалци на Обединетите нации (УНХЦР).
Се додава дека најголем број од нив влегле во Италија – повеќе од 130.000, што е зголемување за 83 отсто во споредба со минатата година, пренесува АП.
Остатокот пристигнале во Грција, Шпанија, Кипар и Малта.
Истовремено, од јануари до 24 септември годинава загинале или исчезнале речиси 2.800 лица кои се обиделе да го преминат Медитеранот, што е значително зголемување во споредба со 1.680 лица кои загинале или исчезнале во истиот период во 2022 година.
Најголемиот број бегалци и мигранти кои се обиделе да стигнат до Европа преку Медитеранот се од Тунис – повеќе од 102.000 од нив.